شرح الدرس الرابع "التغيرات الفيزيائيه والكيميائيه"من منهج العلوم للصف الرابع الإبتدائى الترم الأول 2022-2023

تقوم منصة أمتحانات مصر بنشر شرح درس " التغيرات الفيزيائيه والكيميائيه "من منهج العلوم  للصف الرابع الإبتدائى الترم الأول 2022-2023.

الدرس الرابع :التغيرات الفيزيائيه والكيميائيه

التغيرات التي تحدث للماده اما تغيير في شكلها بس اوتغيير في شكلها وتركيبها 

أولآ: التغيرات الفيزيائية

كلمة الشكل الخارجي فالعلوم يعني فيزيائي يعني لو الماده اللي قدامي اتغير شكلها بس وتركيبها زي ماهو بقول ان حصل لها تغير فيزيائي يبقي التغير الفيزيائي هو تغير في شكل ومظهر الماده وليس في تركيبها 

شرح  الدرس الأول "أدوات القياس"من منهج العلوم  للصف الرابع الإبتدائى الترم الأول 2022-2023

امثلة التغير الفيزيائي

كل تحولات الماده اللي هي انصهار وتبخر وتكثف وتجمد دي بتعتبر تغيرات فيزيائيه طب ليه لان الماده تركيبها زي ماهو محصلش فيه حاجه طيب تعالو نشوف مثال

لو عندي ماء وحطيته فالفريزر هيتجمد طيب هل التركيب بتاع الماء اتغير لا طبعا بدليل انها ماء بس في شكل ثلج شكلها بس اللي اتغير لكن تركيبها لا يعني متحولتش لايس كريم مثلا او اي ماده تانيه وكمان لو حبينا نرجعها لصورتها الاولي هترجع ماء تاني يعني لو سخنا الثلج ده هيرجع ماء يبقي ده مثال ع التغيرات الفيزيائيه طيب اي كمان الانصهار انصهار اي حاجه يعتبر تغير فيزيائي لان تركيب الماده زي ماهو لكن شكلها بس اللي اتغير بدل ما كانت صلبه اتحولت لسائله ولو اتحولت من سائله لبخار بؤدو التركيب زي ماهو ولو البخار اتكثف ع سطح بارد ورجع ماء تاني بردو تغير فيزيائي ودي بنقول عليها دورة الثلج .

علل يعتبر انصهار الثلج تغير فيزيائي؟

لانه تغير في شكل ومظهر الماده وليس في تر كيبها ودي اجابة اي سؤال علل بيقول فيه كلمة تغير فيزيائي يعني لو جاب اي مثال وقالنا علل ليه هو تغير فيزيائي هنقول الاجابه دي لانه تغير في شكل ومظهر الماده وليس في تركيبها

يبقي كده عندنا انضهار تبخر تكثف تجمد تبقي تغير فيزيائي طيب اي كمان 

بص معايا في سؤال مهم لازم تساله لنفسك عشان تعرف هل ده تغير فيزيائي ولا لا 

هل الماده ممكن ترجع لحالتها الاولي ولا لا زي مثلا الماءاما اتحول لثلج ينفع يرجع ماء تاني لو الاجابه نعم يبقي فيزيائي وكمان ان الماده دي محصلهاش تغير في تركيبها 

عندنا كمان الطحن لو انا طحنت شوية سكر هيتحول طبعا لسكر بودرة وليه نفس طعم السكر ونفس خواصه اللي هي الطعم الحلو يبقي طحن السكر تغير فيزيائي 

شرح الدرس الثانى "حالات المادة وتحولاتها"من منهج العلوم للصف الرابع الإبتدائى الترم الأول 2022-2023

طيب لو انا جبت شوية ملح وحطيتهم في كوب ماء وقلبت اي اللي هيحصل طبعا الملح هيذوب في الماء تمام طيب لو تذوقت الماء اللي ذاب فيه الملح واللي بسميه محلول ملحي يعني ملح ودايب في ماء هلاقي طعم مالح طبعا طيب لو جبت المحلول الملحي ده وسخنته لغاية الماء كله ما يتبخر اي اللي هيتبقي طبعا الملح وهنلاقيه طبقه بيضلء موحوده في الكوب واو تذوقناه هنلاقيه بنفس طعم الماح لان اللي حصله تغير في شكله فقط وليس في تركيبه وعشان كده بنسميه تغير فيزيائي

في امثله كتير على التغير الفيزيائي زي سحب وطرق وثني العناصر 

تقطيع ورق الفويل وتغليف الشكولاته

قص الورق واعادة تصنيع الورق

ثانيا:التغيرات الكيميائيه

التغيرات الكيميائيه هو تغير في تركيب الماده ينتج عنه مادة او مواد جديده ذات خواص جديده

التغير بيحصل في تركيب الماده نفسها بيغيرها خااالص وبيخليها ماده تانيه خااالص ليها صفات وخصائص مختلفه طيب 

شرح الدرس الثالث "العناصر من حولنا"من منهج العلوم للصف الرابع الإبتدائى الترم الأول 2022-2023

امثلة التغير الكيميائى

مثال لو جبنا شوية سكر ودوبناهم في ميه وشربنا الميه بنلاقي طعمها اي طبعا مسكر ولان السكر فضل محتفظ بخواصه اللي هي الطعم الحلو قولنا ان السكر حصل له تغير فيزيائي لكن لو جبنا السكر ده وحرقناه بلاقي شكله من بره اتغير وكمان خواصه اتغيرت طعمه مش بيفضل مسكر زي الاول ده بيكون ممرر شويه كده ليه بقي لان اللي قدامي ده مش سكر ده اتحول لماده تانيه ليه صفاتها اللي بتختلف عن صفات السكر وده لان تركيبها نفسه اتغير وبقي غير تركيب السكر وعشان كده قولنا ان السكر عنا حصل له تغير كيميائي وكمان مش هقدر ارجع الماده لحالتها اللي كانت عليها قبل الحرق 

كمان مثال الورق اي خواصه بيكون متين شويه بحيث اننا نقدر نكتب عليه او نرسم كمان طيب لو حرقنا الورقه هنقدر نكتب عليها لا طبعا ولا نقدر نشكلها ونعمل منها طيارة مثلا زي ما كنا بنلعب بيها فالاجازه  وكمان عمري ماهقدر ارجعها تاني زي ما كانت يبقي حرق اي مادة بيكون تغير كيميائي

طيب اي تاني لو انا مثلا كان عندي طمطمايه وسيبتها شويه كام يوم بره التلاجه او حتي قطعه من الخبز بنلاقي بيتكون عليها حاجات لونها اخضر كده يعني بيحصل لها حاجه اسمها تعفن يعني بيتكون عليها نوع من الفطريات هل بقدر ارجع الحاجه اللي باظت دي زي الاول سليمه لا طبعا عشان كده بنقول ان ده كمان تغير كيميائي وهكذا 

امثله كتير ع التغير الكيميائي زي صدا الحديد واضافة الخميرة للمخبوزات وانتاج الزبادي من الالبان 

خلاصة الكلام

اي احتراق يبقي كيميائي

تعفن...تخمر...صدأ...انتاج الزبادي...فساد الحليب...انفجار الالعاب الناريه...تسوس الاسنان.....هضم الطعام.

كل ده كيميائي

ولو جالنا عليه سؤال علل مثلا

يعتبر الشمع تغير كيميائي

الاجابه هي التعريف لانه تغير في تركيب الماده ينتج عنه ماده او مواد جديده ذات خواص جديده

 الشمعه بيحصل لها نوعين التغيرات فيزيائي وكيميائي ازاي

الشمعه عباره عن حاجاتين مادة الشمع نفسها والفتيل او الخيط اللي بنشعله عشان ينور لنا طيب الفتله او الخيط نفسه اتحرق ومش بيرجع تاني يبقي فتيل الشمعه حصله تغير كيميائي لكن ماده الشمع نفسها اللي بتنصهر وترجع تتجمد تاني اما بسيبها فتره بيحصل له تغير فيزيائي 

ع فكرة صدا الحديد ممكن نشوفه عند ماما فالمطبخ اما بتسيب جزء من سلك تنظيف الاواني وهي مبلله بالماء ع الحوض في الهواء فبيتكون عليها طبقه بنيه هشه هي دي اللي بنسميها صدأالحديد

للحصول على اسئلة الدرس أضغط هنــــــــــــــــــــــا