تنشر لكم منصة أمتحانات مصرمنهج اللغة العربية شرح درس "إعراب المثني " لصف الخامس الابتدائي الترم الاول لعام 2022 وذلك حيث نوفر لكم متابعينا الكرام شرح الدرس بطريقة مبسطة حتي يستطيع ولي الأمر مساعدة ابناءه في الشرح بشكل ميسر وسلسل
إعراب المثني
وعرفنا ان المفرد معرب بالحركات
ماهي حركات الاعراب؟
الحركات هي ( الضمة . الفتحة . الكسرة ).
ستقوم منصة امتحانات مصر بشرح مبسط للطالب عن إعراب المثني
يتبارى الجميع لعرض ملخص لأحداث المنهج على سبيل التذكرة لطالب من أهم حصاد العام الماضي لطالب الصف الخامس الأبتدائي المفرد و عرفنا ان المفرد بيدل علي واحد مذكر او واحدة مؤنثة
أولاً:
المثني : هو ما دل علي اثنين او اثنتين .بزيادة الف ونون او ياء ونون علي مفرده
معلم + معلم = معلمان ؛ معلمين
شجرة + شجرة = شجرتان ؛ شجرتين .
هنلاحظ ان الالف والنون و الياء والنون زيادة بمعني انك لو حذفتها هيتبقي المفرد بس .
ثانيا:"
هيقابلك كلمات اخرها الف ونون وياء ونون ..اوعي تتسرع وتقول عليها مثني ..استني و تمهل
بدماغك و مخك زي الشاطر كدة هتحذف الالف والنون او الياء والنون . لو لقيت الكلمة بقت مفرد يبقي الكلمة دي مثني صح
هرمان: احذف الالف والنون = هرم . الهرم ده مفرد وكلمة لها معني ..يبقي هرمان مثني .
رمضان : احذف الالف والنون = رمض .. الرمض ده ايه ؟ليس لها معني وذلك يدل أنها ليس مثني .
وخد كلمات تانية “ باكستان . حيوان . رمان . حان . حنان . عُمان . فلسطين . عين . حنين . شيرين . حزين”
كل الكلمات دي مش مثني لان الالف والنون و الياء والنون حروف أصلية وليست حروف زيادة .
ثالثا
كيفية إعراب المثني
اول حاجة لازم تعرف ان المثني يعرب بالحروف" الالف. الياء “ مش بالحركات”الضمة . الفتحة . الكسرة "
وانت في سنة خامسة يجب عليك معرفة خمس دلائل
ثلاث حاجات مرفوعة وهي “ الفاعل . المبتدأ . الخبر ”
و حاجة منصوية “ المفعول به ”
وحاجة مجرورة “ الاسم المجرور ” .
المثني:-
مرفوع وعلامة رفعه الالف اذا كان “ فاعل . مبتدأ . خبر ”
منصوب وعلامة نصبه الياء اذا كان “ مفعول به ”
مجرور وعلامة جره الياء اذا كان مسبوق بحرف جر .
أمثلة
1- فاز اللاعبان بالمباراة
2- الماء و الهواء ضروريان للحياة .
3- العاملان في المصنع
4- رسم حازم لوحتين
5- استمعت الي قصتين
الاجابة .
* الجملة الاولي فعلية لانها بدات بفعل يبقي هلاقي فيها مبتدأ وخبر ؟ غلط . المبتدأ والخبر هيكون في الجملة الاسمية . لكن في الفعلية هلاقي فعل و فاعل و مفعول. الكلمة المثني في الجملة ( اللاعبان ) اخرها الف ونون يبقي مرفوعة يبقي فاعل لانها لو مفعول كان هيبقي اخرها ياء ونون .
ونعرب ( اللاعبان ) فاعل مرفوع وعلامة رفعه الالف لانه مثني .
* الجملة الثانية احدد نوعها . طلعت اسمية . يبقي هلاقي فيها مبتدأ وخبر . المبتدأ بيكون في اول الجملة والخبر بعده بيتمم المعني . كلمة ( ضروريان ) مجتش في الاول و الجملة اسمية و بيتمم المعني . يبقي ده خبر
ونعرب ( ضروريان ) خبر مرفوع وعلامة رفعه الالف لانه مثني
* الجملة الثالثة احدد نوعها . طلعت اسمية . يبقي هلاقي فيها مبتدأ وخبر . والكلمة جت في أول الجملة تبقي مبتدأ .والمبتدأ دايما مرفوع
نعرب ( العاملان ) مبتدأ مرفوع وعلامة رفعه الالف لانه مثني.
لما نلاقي المثني فيه ياء ونون يبقي حاجة من اتنين اما مفعول به . او اسم مجرور .
هروح اشوف قبل المثني ايه ؟
طلع قبلها حرف جر . تبقي مثني مجرور بالياء .
طيب فيها ياء ونون ومفيش قبلها حرف جر . تبقي مفعول به منصوب بالياء .
ولمتابعة الشرح بالكامل وملخص الدرس بالكامل عبر منصة امتحانات مصر من خلال الرابط التالي من هنا
مدرسة دمنهور الثانوية العسكرية.. 100 عام في صناعة العقول وتخريج الكفاءات
وزارة التعليم تُعلن عن إطلاق مسابقة "تحدي علوم المستقبل" لطلاب المدارس
وزارة التعليم تبدأ مقابلات الطلاب المقبولين بفروع المدارس المصرية اليابانية
غدًا ستناقش لجنة التعليم في مجلس النواب مشروع قانون لإنشاء المجلس الوطني للتعليم والابتكار
تعليم الدقهلية يطلق صفحة لنشر منتجات الطلاب اليدوية والفنية لاكتشاف إبداعاتهم
