شرح الدرس الثالث "العناصر من حولنا"من منهج العلوم للصف الرابع الإبتدائى الترم الأول 2022-2023

ننشر لكم متابعينا الكرام شرح ميسر وسلسل لدرس العناصر من حولنا من منهج العلوم للصف الرابع الأبتدائى 

درس العناصر من حولنا

درس العناصر من حولنا بيتكلم عن حاجه اسمها العنصر والعنصر ده زي الحديد والنحاس والالومنيوم بس يعني اي عنصر؟عشان اعرف العنصر لازم اعرف ان في حاجه اسمها مركب يعني اكتر من عنصر مرتبطين وماسكين ايد بعض اما نفكهم هيكون كل واحد لوحده وبسميه عنصر ومقدرش افك العنصر ده واطلع منه حاجه ابسط او اقل منه يعني العنصر هو ابسط شكل او ابسط صورة توجد عليها الماده ولا يمكن تحليليه الي مادتين او اكثر وطبعا الجزء ده بييجي فالامتحان ع شكل سؤال اكتب المصطلح العلمي يعني يجيب لنا التعريف واحنا نقوله ده تعريف اي

طيب العناصر دي زي اي 

امثلة العناصر

الحديد،النحاس،الكبريت،الالومنيوم،الكربون

وكل العناصر السابقه هنقول بالتفصيل بنستخدمها في اي بعد كده

وعشان العناصر دي كتير قوي واما العلماء درسوا كل عنصر لقيو ان العناصر دي ممكن اقسمها لمجموعتين بس كل مجموعه منهم بتضم عدد من العناصر متشابها في الخصائص او الصفات يعني ليها نفس الصفات زي مثلا احنا فالمدرسة بيقسمو الاولاد لمراحل كل سنه رابعه ليهم سن معين وبيدرسوا مواد معينه فسموهم سنه رابعه عملو كده مع العناصر بس قسموهم لمجموعتين بس 

المجموعة الأولى :مجموعة الفلزات.

 المجموعة الثانية :مجموعة اللافلزات

كل مجموعه من العناصر تشترك مع بعضها في مجموعه من الخصائص وهي

١_البريق المعدني(يعني اللامعان ان كل الفلزات بتكون ليها لامعه اللي بقول عليها بريق معدني)

زي الذهب والفضه والالومنيوم والنحاس كلهم بشوف ليهم لمعه بقول عليها بريق معدني

اما اللافلزات ليس لها بريق معدني زي اي زي الفحم مثلا اللي بنسميه الكربون وكمان عنصر الكبريت 

٢_التوصيل الكهربي(كل الفلزات بتوصل الكهرباء وكل اللافلزات مش بتوصل كهرباء ماعدا عنصر الكربون بس هو لافلز بس بيوصل الكهرباء طيب اتاكد ازاي ؟

شرح  الدرس الأول "أدوات القياس"من منهج العلوم  للصف الرابع الإبتدائى الترم الأول 2022-2023

نجيب حجر بطاريه وسلك توصيل ولمبه صغيرةزي اللي بتكون موجوده في الفانوس بتاع رمضان او الكشاف ونوصل السلك بالطرفين اللي فالبطارية ونحط اللمبه علي طرف البطاريه من فوق والسلك يكون جزئين جزء مع اللمبه والبطاريه من فوق والتاني متوصل بالبطاريه من تحت وبين الطرفين نحط مرة قطعة كبريت ومرة سن قلم رصاص(كربون)ومرة عملة معدنيه

وهنلاقي ان في حالة سن القلم والعمله المعدنيه اللميه نورت اما في حالة قطعة الكبريت اللمبه كانت غير مضيئه

يعني نقدر نقول ان كل الفلزات بتوصل الكهرباء وكل اللافلزات لا توصل الكهرباء ماعدا الكربون بيوصل

٣_التوصيل الحراري

كل الفلزات بتوصل الحراره يعني لو مثلا لمست الحلة اللي ماما بتعمل فيها الاكل(بنسميها فالعلوم اواني الطهي) بلاقيها سخنه لانها من الالومنيوم وده فلز جيد التوصيل للحرارة اما الايد بتاعة الحله (اللي بسميها مقابض اواني الطهي)مش بتكون سخنه لانها مصنوعه من مادة من اللافلزات فمش بتوصل الحرارة

يبقي نقدر نقول ان جميع الفلزات جيدة التوصيل للحرارة اما اللافلزات فهي رديئة التوصيل للحرارة(يعني مش بتوصل الحراره)

٤_العناصر والانصهار

لو جبنا مسمار من الحديد وقطعه من الكبريت وسخنا الاتنين مين فيهم هينصهر اسرع ...طبعا الكبريت تمام يعني اللي الكبريت احتاج وقت اقل من الحديد عشان ينصهر يعني احتاج حراره اقل وعشان كده بنقول ان الكبريت درجة انصهاره منخفضه او اقل من الحديد ولان الكبريت لا فلز والحديد فلز يبقي الفلزات درجة انصهارها مرتفعه اما اللافلزات درجة انصهارها منخفضه

وعشان كده بنصنع اواني الطهي من الالومنيوم (علل)لانه جيد التوصيل للحرارة وكمان درجة انصهاره مرتفعه

٥_العناصر وقابليتها للتشكيل

يعني اي التشكيل؟يعني اقدر اغير من شكلها وده بيكون عن طريق الثني يعني اتنيها او الطرق اني ادق عليها بشكوش مثلا او السحب اني احولها لاسلاك وهنلاقي ان القابليه للتشكيل بتكون موجوده فالفلزات عشان كده بقدر اعمل اسلاك نحاس او الومنيوم مثلا لكن مقدرش اعمل اسلاك من الفحم او الكبريت لانهم من اللافلزات التي ليس لها قابليه للتشكيل وكمان لو عندنا قطعة كربون ومسمار من الحديد ودقيت علبهم بشكوش هلاقي ان المسمار هيتني لكن قطعة الكربون او الفحم مش هتتني دي هتتكسر ..

شرح الدرس الثانى "حالات المادة وتحولاتها"من منهج العلوم للصف الرابع الإبتدائى الترم الأول 2022-2023

ملحوظه 

عندنا بعض المواد زي الذهب بتكون لينه يعني طريه لو مسكتها فايدي بتكون زي العجينه وعشان كده باستخدمها في صناعة الحلي لكن بضيف علبها فضه او بلاتين عشان تكون صلبه شويه واقدر استخدمها ك حلي ...وكمان ورق الفويل بيوضح جدا خاصية التشكيل 

استخدامات الفلزات واللافلزات

١_الحديد(فلز)

يستخدم في صناعة هياكل السيارات والكباري واعمدة الانارة(علل)؟

ج/لمتانته وسهولة تشكيله

٢_الالومنيوم(فلز)

يستخدم في صناعة اواني الطهي وورق الالومنيوم او الفويل(علل)؟

ج/لانه جيد التوصيل للحرارة ،وقابل للتشكيل.

٣_النحاس(فلز)

يستخدم في صناعة التماثيل والعملات المعدنيه(علل)؟

ج/لانه قابل للتشكيل.

يستخدم في صناعة اسلاك الكهرباء (علل)؟

ج/لانه حيد التوصيل للكهرباء.

٤_الذهب والفضه(فلزات)

يستخدم في صناعة الحلي (علل)؟

ج/لان لهما بريق معدني وقابلية للتشكيل.

٥_الزئبق(فلز سائل)

يستخدم في صناعة الترمومترات(علل)؟

ج/لانه جيد التوصيل للحرارة.

٦_الكربون(الجرافيت)(لافلز)

يستخدم في صناعة الاقطاب الموجبه للاعمده الكهربيه ؟

لانه جيد التوصيل للكهرباء.

هنــــــــــــا أسئلة على درس العناصر من حولنا